Татарстан юлларында 21 көндә 35 кешенең гомере өзелгән

Июньнең 21 көнендә Татарстан юлларында 292 юл-транспорт һәлакате теркәлгән: 35 кеше һәлак булган, 344е төрле тән җәрәхәте алган.

Кичә - 21 июньдә, мәсәлән, кеше сәламәтлегенә зыян китергән 8 юл-транспорт һәлакате теркәлгән - 1 кеше үлгән, 8е төрле тән җәрәхәте алган.

Татарстанда ЮХИДИ хезмәткәрләре дә кагыйдә бозучыларны "аулап" кына тора. Кичә исерек килеш руль артына утырган 20 кеше тоткарланган.

Татарстан Республикасы территориясендә 20 исерек килеш транспорт чарасы белән идарә итүче ачыкланган. Юл йөрү кагыйдәләрен бозып, тиешсез урында каршы як хәрәкәт полосасына чыгуның - 65, балаларны махсус креслога утыртмауның - 104, куркынычсызлык каешы эләктермәүнең 627 очрагы теркәлгән.