Татарстанда быел 1 Майда бәйрәм чаралары булмый
Бәйрәм үткәрмәү төбәктәге санитар-эпидемиологик вазгыятькә бәйле.
Быел Татарстанда 1 Май бәйрәменә багышланган массакүләм чаралар булмаячак. Бәйрәмнәрне үткәрмәү төбәктәге санитар-эпидемиологик хәлгә бәйле. Бу хакта журналистлар белән брифингта ТР Президенты матбугат хезмәте җитәкчесе Лилия Галимова хәбәр итте.
«1 майга республика чаралары үткәрелмәячәк. Муниципалитетларда оештырыла торган чаралар алар карамагында, бу аларның өстенлекле карары. Анда нәрсәне дә булса үзгәртерләрме, алардан белергә кирәк», — диде Галимова.
Искәртеп узыйк, узган ел короновирус инфекциясе таралу куркынычы аркасында, Татарстан башкаласында Беренче май акциясе шулай ук гамәлдән чыгарылган иде.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев