ҖӘМГЫЯТЬ
Татарстанда кечкенә балалар өчен компенсация алуның яңа тәртибе гамәлгә керде
1 июльдән Татарстанда сабые балалар бакчасына йөри торган әти-әниләр компенсацияне электрон юл белән генә рәсмиләштерә ала. Бу хакта Татарстан хезмәт, халыкны эш белән тәэмин итү һәм социаль яклау министры Эльмира Зарипова хәбәр итә. Министр сүзләренчә, республикада балалары мәктәпкәчә белем бирү учреждениеләрендә тәрбияләнүче 200 меңләп ата-ана субсидия ала. Гадәттә, алар −...
1 июльдән Татарстанда сабые балалар бакчасына йөри торган әти-әниләр компенсацияне электрон юл белән генә рәсмиләштерә ала.
Бу хакта Татарстан хезмәт, халыкны эш белән тәэмин итү һәм социаль яклау министры Эльмира Зарипова хәбәр итә.
Министр сүзләренчә, республикада балалары мәктәпкәчә белем бирү учреждениеләрендә тәрбияләнүче 200 меңләп ата-ана субсидия ала. Гадәттә, алар − эшли торган 35 яшькә кадәрге кешеләр һәм барысы да, актив рәвештә, интернеттан файдалана, дип билгеләп үтте Эльмира Зарипова. "Әлеге системаның иминлеге дәүләт дәрәҗәсендә сакланыла", - дип вәгъдә бирде министр һәм әти-әниләрне электрон гариза бирү системасын ныклап өйрәнергә өндәде.
"Әлеге хезмәт ярдәмендә гаризаларны ирекле рәвештә, ягъни өйдән чыкмый гына да бирергә мөмкин булачак",- диде ул.
Субсидияләр алуга гариза бирү өчен Татарстан дәүләт хезмәтләре порталында (uslugi.tatarstan.ru) шәхси кабинет булдырырга кирәк. Шуннан соң Россия Федерациясенең дәүләт хезмәтләре порталында шәхси кабинет булдырып, персональ мәгълүматларны саклау шарт. Бу Иденфикация һәм аутенфикация бердәм системасында авторизация өчен кирәк. РФ дәүләт хезмәтләре порталында теркәлүне раслый торган СМС-хәбәр килгәннән соң, Татарстан дәүләт хезмәтләре порталында гариза бирү мөмкин булачак.
Чыганак :http://www.almet-rt.ru
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев