Татарстанда сөт продукциясе запасы 35 процентка артты

Сәбәбе – сөт базарында бәяләр тирбәнеше. Бу хакта республика Дәүләт Советы Комитеты утырышында Татарстан Республикасы Авыл хуҗалыгы һәм азык-төлек министры урынбасары Марсель Мәхмүтов хәбәр итте.

Авыл хуҗалыгы оешмалары тарафыннан  сөт сатуның уртача бәясе хәзер 34 сум 72 тиен тәшкил итә. Министр урынбасары билгеләп үткәнчә, бу узган елгы күрсәткечләрдән 27 процентка кимрәк. Ел башыннан бәя 4 сум 27 тиенгә, ягъни 12 процентка төшкән.

Ике ел дәвамында сөт-чималга бәяләр тотрыклы рәвештә югары булганнан соң, ваклап сатуда стагнация күзәтелә. Сөт продукциясенә ваклап сату бәяләренең артуы һәм халыкның реаль керемнәренең артта калуы максималь склад запасларына китерде.

Узган ел республикада 2,3 миллион тоннадан артык сөт җитештерелгән. Мәхмүтов билгеләп үткәнчә, җитештерү үсеше технологияләрне яхшырту һәм заманча сөтчелек комплексларын файдалануга тапшыру хисабына тәэмин ителгән. Узган елда гына да 11,3 мең сыерга исәпләнгән 18 терлекчелек объекты файдалануга тапшырылган. Быел 15,7 мең башка исәпләнгән тагын 20 объект эшли.

Сатып алу бәяләре кимү аркасында кайбер эре инвестпроектларны гамәлгә ашыру сорау белән калды.