Урмышлы мәктәбендә янгын турында ачык дәрес үткәрелде

Лениногорск районы Урмышлы авылы янгын сүндерү часте начальнигы Рәмис Гафиатуллин Урмышлы мәктәбе башлангыч сыйныф укучылары белән ачык дәрес үткәрде.

Рәмис Гафиатуллин укучыларга Россиядә янгын саклаучыларның килеп чыгу тарихын сөйләде. Укучылар аны бик кызыксыну белән тыңлады һәм беренче янгын сүндерүчеләр кайчан килеп чыккан, ничек киенгән, ничек янгын чыгу турында хәбәр иткән, янгын сүндерүнең нинди чаралары булу турында белде. Шулай ук, бүгенге көндә хәлләр нидән гыйбарәт? Татарстан республикасында авария-коткару хезмәте ничек оештырылган? Янгын сүндерүче хезмәтенә хөрмәт хисе тәрбияләү максаты турында тыңлады.