WorldSkills сайлап алу этабы Лениногорск нефть техникумында узачак

Россия төбәкләрендә «Яшь профессионаллар» (WorldSkills Russia) VIII Милли чемпионаты финалына сайлап алу ярышлары үзәкләрен тәүлек буе видеокүзәтү камералары ярдәмендә күзәтәчәкләр. Бу хакта бүген «Татар-информ» мәгълүмат агентлыгында узган матбугат конференциясендә Татарстан Мәгариф һәм фән министрының беренче урынбасары Андрей Поминов хәбәр итте.

Катнашучылар компетенцияләр үзәкләрендә ярышачаклар, анда алар өчен камералар белән җиһазландырылган махсус мәйданчык булдырылачак. "Бөтен бүлмәне тулысынча күрү өчен җиһазлар урнаштырылачак. Бу катнашучыларга ялган документлар һәм ярдәм күрсәтү мөмкинлеген чикләү өчен куела. Камерадан тәүлек эчендә барлык ярыш көннәре трансляцияләянәчәк", - диде Поминов.

Сайлап алу ярышлары 1 августтан 20 августка кадәр узачак. Бу юлы ярышларны ярыш үзәкләрендәге экспертлар гына тулы күләмдә күзәтәчәк.

Лениногорскида «Яшь профессионаллар» милли чемпионатының сайлап алу туры 3 августта нефть техникумында узачак.