Жаботикаба
Аны джаботикаба яки Бразилия винограды дип тә йөртәләр. Жаботикаба агачы Көньяк Америка, Парагвай, Аргентина, Бразилиядә үсә. Жаботикаба – мәңге яшел, бик әкрен үсә торган агач.
Ул 5 метрдан 12 метрга кадәр биеклектә була.
Җаботикабаның җимешләре аның кәүсәсенә, төп ботакларына ябышып үсә. Бу гаҗәеп агач елына берничә тапкыр уңыш бирә.
Җимешләр 3-4 атна эчендә өлгерә. Башта алар яшел төстә була, аннары куе кызыл, соңыннан кара төскә керәләр.
Орлыктан үсеп чыккан агач бары тик 12-15 елдан соң гына җимеш бирә башлый. Бу вакытны кыскарту өчен прививка уйлап тапканнар. Бу прививканы ясагач, инде 3-6 елдан соң жаботикаба җимешен ашарга була.
Чыганак: http://chelny-rt.ru/news/bu-kyizyik/zhabotikaba
pixabay.com фотосы
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев