Лениногорск суды җинаятьчене җиде елга хөкем итте

Суд каршына басучы саксызлыгы  аркасында,  башка кеше сәламәтлегенә, аның үлеменә китергән  зыян салуда, үтерү белән янауда, кеше кыйнауда  гаепле дип табылды.

Гаепләнүче, бергә спиртлы эчемлекләр кулланганнан соң, үзенең танышы булган Е. га берничә тапкыр нык итеп суга, шуның нәтиҗәсендә Е.ның башы бәрелә һәм ул гомере өзелүгә китергән тән җәрәхәтләре ала.

Әлеге җинаятенә кадәр бер атна  алдарак,   Ш. исерек  хәлдә, элек  бергә яшәгән Х. ханымның өенә килә, аны муеныннан буып пычак белән кизәнә һәм үтерү белән янап кул аркасына пычак белән кадый.

Бу очрактан соң тагын берничә ай үткәч, гаепләнүче янә Х. ның өендә ызгыш чыгара, көнчелек аркасында килеп чыккан  талаш вакытында аның  битенә, башына һәм аяк-кулларына йодрыгы белән  берничә кат суга, Х. көчле физик авыру кичерә, тән җәрәхәтләре ала.

Суд  , зыян күрүчеләрнең, шаһитларның, экспертларның күрсәтмәләренә нигезләнеп,  Ш. ны кылынган җинаятьләрнең барлык эпизодлары буенча да гаепле дип тапты һәм катгый режимлы төзәтү колониясендә 7 елга ирегеннән мәхрүм итү рәвешендә җәза билгеләде.

фото: https://pixabay.com/ru/