Лениногорскилыны алдап, акчасын алганнар
Лениногорск эчке эшләр бүлеге дежур частенә шәһәрдә яшәүче 46 яшьлек хатын-кыз мөрәҗәгать иткән. Аның сүзләренә караганда, банк хезмәткәре белән телефоннан сөйләшкәннән соң, картасыннан акча югалган.
Ачыкланганча, гариза язучыга билгесез хатын шалтыратып, үзен банк хезмәткәре итеп таныштыра һәм акчаны законсыз күчерүдән саклау өчен банк карталарының реквизитларын һәм раслау кодын сорап ала. Зыян күрүче бу ялган хезмәткәргә ышанып, кирәкле мәгълүматны әйтеп бирә. Шул рәвешле ул 30 мең сум акчасыннан колак кага. Хәзерге вакытта җинаять эше кузгату мәсьәләсе карала.
Лениногорск эчке эшләр бүлеге халыкка уяу булырга кирәклеге турында тагы бер кат искәртә.
Эчке эшләр бүлегенең матбугат хезмәте.
Фото: https://pixabay.com/ru/
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев