Нефть урлаучыларга суд булды

Әлмәт шәһәр суды магистраль нефтьүткәргечтән нефть урлаучыларны хөкем итте.

Ике татарстанлыны шартлы рәвештә ирекләреннән мәхрүм итеп, 500 000 сум зыянны капларга дигән хөкем карары чыгарылды.

Бу хәл 2014 елның октябрендә Әлмәт районы территориясендә була. Яр Чаллыдан 58 яшьлек һәм Актаныш районыннан 45 яшьлек ике ир законсыз рәвештә магистраль нефтьүткәргечкә тоташалар һәм аннан 50 кубометр нефть урлыйлар. Урланган чималны саталар. Килгән зыян ярты млн сум тәшкил итә. Полицейскийлар каракларны Актаныш районында чираттагы тапкыр нефть урлаганда тоткарлыйлар.

Бу хакта «Альметьевск ТВ» хәбәр итә.

http://www.almet-rt.ru/