Ифтар ашы узды

Сарабиккол мәктәбендә ифтар ашы үткәрелде, дип хәбәр итте укытучы Фәния Әскәрова.
Аны мәктәп директоры Сәлимә Гатина оештырган. Укытучылар, ашханә эшчеләре, техник хезмәткәрләр әлеге эшне башкарып чыгарга булышкан, шулай ук балалар бакчасында эшләүчеләр дә читтә калмаган. Ифтар ашына авылның ак яулыклы әбиләре, апалары чакырылган. Коръән сүрәләрен Фатыйма апа Баһаутдинова укыган. Авыз ачканнан соң, апалар алып килгән күчтәнәчләрдән, хезмәткәрләр әзерләгән аш-судан авыз иткәннәр.