Мичурин авылында 50 яшьтән өлкәнрәкләр өчен кич утыру үтте (+ фотолар)

Мичурин авылы китапханәсе һәм мәдәният йорты хезмәткәрләре авылда яшәүче, 50 яштән өлкәнрәк хатын-кызларга күңелле чара уздырды.

Алар өчен төрле кызыклы конкурслар оештырылган иде. Шулай ук иҗат номерлары да булды. Бергәләшеп халык җырларын җырлап алу да кичәгә ямь кертте.

Тәмле ризыклар куелган чәй өстәле янындагы очрашу катнашучыларның да, оештыручыларның да күңеленә хуш килде.

Сүз уңаеннан, мәдәният йортында бик матур итеп көзге фотозона да ясап куйганнар. Катнашучылар әлеге фотозонада истәлеккә фотога да төштеләр.

фотолар: Мичурин  китапханәсеннән