“Татнефть” җиңде

"Татнефть" җәмгыяте "Энергосбережение и повышение энергетической эффективности в Республике Татарстан на 2010-2015 годы и на перспективу до 2020 года" дип исемләнгән республика смотр-конкурсының җиңүчесе булды.

Дипломнар һәм истәлекле призлар тапшыру тантанасы ТР Министрлар Кабинетында Татарстан Премьер-министры Илдар Халиков рәислегендә "Энергетика. Ресурсосбережение" XIII халыкара күргәзмә кысаларында оештырылган киңәшмә барышында үтте. Премьер-министр Казанда үткән күргәзмәнең зур кызыксыну уятканын әйтте. Анда төгәл, көндәлек нәтиҗә китерүче зур күләмдәге проект һәм программалар тәкъдим ителгән иде. Күргәзмә эшендә Россиянең 32 регионыннан һәм 9 чит илдән 160тан артык компания катнашты.