Урмышлы мәктәбеннән Реналь Даутов язгы сипкелләр бәйгесендә җиңүче булды

Ул 12 нче апрельдән - 12 нче майга кадәр дәвам итте. Бәйгенең җиңүчесе – Урмышлы мәктәбенең 9 нчы сыйныф укучысы Реналь Даутов. Бәйгенең шартлары буенча, ике юллык  шигырьнең азагын тәмамларга һәм сипкелләр күренеп торган фоторәсем куярга кирәк иде. Реналь ике шартны да тулысы белән үтәгән, шигыре дә күңелле генә. Аңа киләчәктә дә уңышлар телибез. Бәйгенең спонсоры "Грэн" кибете, җиңүчене аның бүләге көтә.

Кояш мине бик яратып борын очымнан үпте,

Тагы да сөйкемле булсын дип сипкелләр бүләк итте.

Яз көне күбрәк була сөйкемле сипкелләрем,

Сипкелле булгангадырмы матур үтә көннәрем.

Көзгегә карыйм да үзем сипкелләрем күзәтәм,

Бигърәк матур килешеп тора мин аларны үз итәм.

Тәвәккәл дә, шук малай мин, әле тагын сипкелле,

Шәүкәт Галиев абыйның Шәвәлие шикелле.

Реналь Даутов