МӘДӘНИЯТ
Ир-атлар
Хатын-кызны җирнең гөле иткән, Аңа табынучы ир затлар. Вәгъдәсенә тугры калучылар, Кырыс, әмма гадел ир-атлар. Гаиләнең имән өрлекләре, Кирәккәннең барын табучы. Кыенлыкта киң җилкәсен куеп, Җил-яңгырдан саклап баручы. Күңеле белән барыбер солдат алар, Сиксәндә дә сафта, төз атлар. Юкка гына атка тиңләмиләр, Заман йөген тарта ир-атлар. Сөя икән, димәк, гомерлеккә,...
Хатын-кызны җирнең гөле иткән,
Аңа табынучы ир затлар.
Вәгъдәсенә тугры калучылар,
Кырыс, әмма гадел ир-атлар.
Гаиләнең имән өрлекләре,
Кирәккәннең барын табучы.
Кыенлыкта киң җилкәсен куеп,
Җил-яңгырдан саклап баручы.
Күңеле белән барыбер солдат алар,
Сиксәндә дә сафта, төз атлар.
Юкка гына атка тиңләмиләр,
Заман йөген тарта ир-атлар.
Сөя икән, димәк, гомерлеккә,
Алар өчен җирдә юк ятлар.
Назлы итеп: «Җаным!» - диеп дәшсәң,
Балавыздай эри ир-атлар!
Хатын-кызны җирнең гөле иткән,
Аңа табынучы ир затлар.
Тыныч йокла, Ватан, чикләреңне
Сакладылар, саклый ир-атлар!..
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев