Лениногорскиның "Пируэт" төркеме “Созвездие-Йолдызлык” фестиваленең иң зур бүләгенә – гран-прига лаек булды

Мәдәният сарае каршында эшләп килүче "Пируэт" хореография төркеме "Созвездие-Йолдызлык" республика фестиваленең иң зур бүләгенә - гран-прига лаек булды.

Бүләкләү тантанасы һәм гала - концерт башкаланың "Пирамида" күңел ачу үзәгендә үтте. "Пируэт" төркеме әлеге фестивальдә бик күп тапкырлар катнашып, алдынгы урыннар алган иде инде.. Ә иң зур бүләк - гран-прига беренче тапкыр лаек булдылар. Бүләкне аларга республика Премьер-министры Алексей Песошин тапшырды.