"Татар кызы-2015" конкурсы җиңүчесе билгеле булды

Атна азагында Чиләбедә "Татар кызы-2015" конкурсының финалы узды.

---

Бөтенроссия гүзәллек һәм сәләтлелек конкурсы финалы җиңүчесен "Лада" автомобиле һәм кулдан эшләнгән энҗе, кыйммәтле ташлар белән бизәлгән, алтын йөгертелгән таҗ көтүе хакында хәбәр иткән идек инде. Әлеге кыйммәтле бүләкләргә, ә иң мөһиме "Татар кызы-2015" конкурсы җиңүчесе исеменә 12 кыз арасында Пермь крае Бардым районы Алинә Аптукова лаек булган. Шунысы кызык: финалда катнашучылар өчен интернет аша тавыш бирүдә Алинә 392 тавыш белән җиденче генә булган. Ә Татарстаннан Түбән Кама кызы Миләүшә Морзаханова өчен 3 меңнән артык кеше тавыш биргән. Бу - беренче күрсәткеч.

Алинә - Казан өчен дә ят кыз түгел. Башкалада укыган вакытта ул "Ләззәт" төркемендә җырлап йөргән. Сүз уңаеннан: конкурсның финалында ТР Премьер-министры Илдан Халиков җитәкчелегендәге делегация дә катнашты. Татарның танылган сәнгать әһелләре - Ринат Ибраһимов, Эльмира Кәлимуллина, Сәйдә Мөхәммәтҗанова, "Артур һәм Марат" дуэты, ТР Дәүләт җыр һәм бию ансамбле чыгышын да күрергә булган.