Россия мәгърифәт министрлыгы укытучыларга хезмәт хакын арттырырга тәкъдим итте

Россия мәгърифәт министры урынбасары Виктор Басюкның хаты Дәүләт Думасының Мәгариф һәм фән комитеты сайтында басылып чыкты.

«Мәгърифәт министрлыгы Россия Хезмәт һәм социаль яклау министрлыгына педагогик хезмәткәрләрнең хезмәт хакы үсешен тәэмин итүнең мөмкин булган сценарийлары буенча тәкъдимнәрне, шулай ук күрсәтелгән максатларрга бюджет акчаларының өстәмә ихтыяҗына тиешле исәп-хисапларны җибәрде», - диелә документта.

Ведомство шулай ук Бөтенроссия мәгариф профсоюзы белән берлектә укытучыларның хезмәт хакына мониторинг үткәргән. Аның нәтиҗәләре буенча педагогик эшнең нормасы атнасына 18 сәгать булган окладлар диапазоны ачыкланган. Иң түбән хезмәт хакы Мордовиядәге укытучыларныкы - 3,6 мең сум. Приморье краенда иң югары ставка теркәлгән - 22,3 мең сум.

https://tatar-inform.tatar/news/science/08-12-2019/rossiya-m-g-rif-t-ministrlygy-ukytuchylarga-hezm-t-hakyn-arttyryrga-t-k-dim-itte-5698579