Түбән Чыршылы мәктәбе укучылары урманда Сәламәтлек көне уздырганнар (+фотолар)
Лениногорск районы Түбән Чыршылы авылы мәктәбендә Сәламәтлек көне узды, дип хәбәр ителә Түбән Чыршылы мәктәбенең В Контакте официаль төркемендә.
Дәресләрдән соң барлык сыйныф укучылары урманга юл тоткан. Нарат урманы үзенең көзге матурлыгы, хуш исе белән аларны каршы алган. Түгәрәк табын корып сыйланып алгач, хәрәкәтле, туплы уеннар уйнаганнар. Алан тирәсендә үскән гөмбәләрне күзәтеп, көзге яфраклар җыйганнар.
Көне дә яхшы булган: кояшлы, көз аеның төсләре күзне иркәли, чыршы-нарат исе. Классташлар, дуслар белән күңелле. Бу көн һәркайсыбыз күңелендә озак сакланыр, дип язганнар.
Түбән Чыршылы мәктәбенең В Контакте официаль төркеме
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев