Максим Шевченко: Татарстан тотрыклылык, икътисади һәм милләтара иминлек үрнәге ул
ТР Президенты Рөстәм Миңнеханов алып барган курс нәтиҗәсендә Татарстан тотрыклылык, икътисадый һәм милләтара иминлек үрнәге булды. «Татар-информ» мәгълүмат агентлыгына Россия сәясәтчесе, журналист һәм җәмәгать эшлеклесе Максим Шевченко шулай дип әйтте.
(Казан, 25 март,» Татар-информ", Егор Никитин).
Ул узган унъеллыкта республиканы озатып барган өч төп моментны билгеләп үтте.
«Беренчедән, бу, һичшиксез, күренекле икътисадый казанышлар. Татарстан республика җитәкчелеге позициясе аркасында Татарстан бүген үз йөзен, үз промышленностен саклап кала алган үзәк булып кала бирә", - ди .
"Рөстәм Миңнеханов җитәкчелек иткән чорда республиканың тагын бер төп казанышы - милләтара мөнәсәбәтләрдә балансны һәм татулыкны саклап калу.
Аның сүзләре буенча чираттагы мөһим юнәлеш - элекке дәверләр белән дәвамчылык.
«Мин Татарстанның дәвамчанлыкны саклавын күрәм. Мәсәлән, Рөстәм Миңнехановның республика дәүләт киңәшчесе вазифасын башкарган Минтимер Шәймиевкә булган мөнәсәбәтендә дә бу ачык чагыла. Төбәкнең уңышлы үсеше өчен өлкән буынның үз тәҗрибәсен тапшыруы бик мөһим. Минемчә, бу бөтен ил өчен уңай сәяси система үрнәге булып тора. Бүген Татарстан - тотрыклылык утравы», - дип тәмамлады сүзен Максим Шевченко.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев