Татарстан Президенты Рөстәм Миңнеханов туры эфирда Казан шәһәр яны территорияләрендәге проблемаларга кагылды
Турыдан-туры эфир барышында Татарстан Президенты Казан шәһәре тирәсендәге территорияләр проблемасын да кузгатты: Царево утарлары, “Светлый” торак комплексы, Каюк, Салмачы бистәсе һәм башкалар.
Рөстәм Миңнеханов билгеләп үткәнчә, бүгенге көндә иң мөһим бурычларның берсе – бу торак пунктларны халыкның уңайлы тормышы өчен кирәкле инфраструктура белән тәэмин итү.
Шуның белән бергә, Татарстан Президенты шәһәр яны торак пунктлары проблемаларын комплекслы хәл итүнең мөһимлеген искәртте. Балалар бакчалары, мәктәпләр, поликлиникалар төзү, газлаштыру, электр һәм җылылык белән тәэмин итү мәсьәләләрен хәл итү белән беррәттән, районнарда эш урыннары булдыру белән дә шөгыльләнергә кирәк.
Татарстан Президенты билгеләп үткәнчә, бүген шәһәр яны кешеләре, районнарда эш урыннары булмау сәбәпле, Казанга йөрергә мәҗбүр.
Рөстәм Миңнеханов фикеренчә, бу территорияләр гражданнарны җәлеп итү үзәгенә әйләнергә тиеш, мондагы проблемаларны индустриаль һәм технопарклар төзү хәл итәргә тиеш, анда гражданнар эшкә урнаша алыр иде.
ТР Президенты матбугат хезмәте.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев