Булат Бәйрәмовтан бик тәмле "Чахохбили" рецепты

Бу ризыкны пешерү рецепты белән ул Инстаграмда уртаклашкан.

Моның өчен сезгә тавык, помидор, суган,татлы борыч, сарымсак һәм "Хмели-сунели" тәмләткече кирәк булачак.

???‍? - Тавык итен эре кисәкләргә турыйсың.

- Кызган табада як-ягын кыздырып аласың.

- Тавык өстенә вак итеп туралган помидор салабыз да, 20-25 минут томалап пешерәбез.

- Суганны ярымбоҗралап турыйбыз да, аерым табада саргылт төскә кергәнче кыздырабыз.

- Бер татлы борыч һәм 3-4 тырнак сарымсакны турап тавык өстенә салабыз.

- Кызган суганны да тавык өстенә салабыз да, тозлыйбыз, борычлыйбыз.

- 10 минуттан соң 2 чәй кашыгы хмели-сунели дигән приправа салабыз.

- Тагын 15 минуттан чахохбили әзер.

- Табынга биргәндә өстенә кинза турап салабыз.

ТӘМЛЕ БУЛСЫН!??

http://almet-rt.ru/