Катлы камырдан ромашка-пицца рецепты

Ромашка-пицца өчен 500 грамм катлы камыр (чүпрәле яки чүпрәсез), 300 грамм колбаса, 150 грамм каты сыр, 3 аш кашыгы кетчуп, 2 аш кашыгы майонез, 1 йомырка сарысы, көнҗет орлыгы кирәк.

Эчлек өчен колбасаны һәм сырны эре угычтан уарга, кетчуп белән майонезны бергә кушып болгатырга кирәк.

Катлы камырны өчкә бүләргә һәм җәяргә. Табага пергамент кәгазе җәяргә һәм пиццаны шунда ук җыярга.

 Камырга кетчуп һәм майонез катнашмасын ягарга. Колбаса һәм сыр салырга, өстенә янә камыр җәяргә һәм эчлекне тагын бер кабатларга һәм камыр белән ябарга. Пиццаның өстен йомырка сарысы белән майларга һәм көнҗет орлыгы сибәргә.

Ромашка ясаган сыман арасын 2-3 см калдырып, уртага ук җитмичә кисеп чыгарга. Аннары таҗларны борып куярга.

180 градуска кадәр кызган мичтә 25-30 минут пешерергә.

 Чыганак: https://intertat.tatar/news/cooking/10-11-2020/katly-kamyrdan-romashka-pitstsa-retsepty-5784136

 http://atnya-rt.ru/news/khbrlr/katly-kamyrdan-romashka-pitstsa-retsepty