Хуҗабикәләргә: лимон кайнатмасы әзерлибез
Хуш исле әчкелтем лимон кайнатмасын яратмаган кеше бар микән?! Аны кайнатуы авыр да, озак та түгел. Шифасы да бар. Салкын тигәндә, баш авыртканда лимон кайнатмасы белән чәй эчү дә хәл кертә, диләр.
Кәстрүлгә бер кило шикәр комына бер стакан тулар-тулмас су салып газ плитәсенә кайнатырга куябыз. Кайнап чыккач күбеген җыябыз. Шуңа лимонны дүрткә бүлеп юка гына итеп телемләп туралган яки иттарткычтан чыгарылган бер лимонны салабыз. Кайнап чыккач, 5-7 минут болгата-болгата кайнатабыз. Суынгач, банкаларга тутырып суыткычка куябыз.
Күбрәк ясаган очракта ингредиентларның күләмен арттырып кына барабыз.
Искәрмә: лимон кайнатмасын ясауның уннан артык рецепты бар. Аны әфлисун, имбир, бөтнек, кабак кушып та ясарга мөмкин.
http://agryz-rt.ru/news/ash-su/khuabiklrg-limon-kaynatmasy-zerlibez
Фото: pixabay.com/
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев