Лениногорск хуҗабиләренә Гөмбә уылдыгы

2 кг чистартылган гөмбәне суда 15 минут пешерергә һәм сөзәргә. 300 грамм суганны вак итеп турарга, 300 грамм кишерне эре угычтан уарга. Кишер белән суганны йомшартылганчы кыздырырга.

Гөмбәне иттарткычтан чыгарырга. Кыздырылган суганны һәм кишерне кушарга. 1 стакан үсемлек мае өстәп, бергә кыздырырга. 3 лавр яфрагы, 10 түгәрәк борыч, тәменчә тоз өстәп, 40 минут томалап пешерергә. 4 тырнак сарымсакны вак итеп турап салырга, тагын 20 минут пешерергә.

Уылдыкны стерильләштерелгән банкаларга тутырып, калай капкач белән ябарга.

"Ирек мәйданы"

фото: pixabay.com