Лениногорск акробатлары Бөтенроссия ярышларында җиңү яулады
27-30 нче сентябрь көннәрендә Горно-Алтайск шәһәрендә спорт акробатикасы буенча ярышлар булды. «Алтай энҗеләре » дип аталган Бөтенроссия бәйгесендә Россиянең 25 шәһәреннән 350 дән артык спортчы- акробат катнашты. Лениногорскиның 1 нче спорт мәктәбендә тәрбияләнүче кызлар, 12-18, 14 һәм аннан өлкәнрәк яшьтәгеләр төркемнәрендә, хатын-кызлар өчлеге программасында чыгыш ясадылар.
Өч көн буена пьедесталга менү хокукы өчен җитди көрәш барды, аның нәтиҗәсендә, 14 яшь һәм аннан өлкәнрәкләр төркемендә якташларыбыз чемпион булды, алар көндәшләрен 5 баллга өстенлек белән узып алга чыктылар. Бу төркемдә Динара Низамиева, Амалия Низамова һәм Салахова Элина Сәлахова шөгыльләнә. Динара белән Амалия 8 нче мәктәптә укыйлар, ә Элина педагогия көллияте студенты. Кызларны осталыкка тренерлар А. А. Хәйруллин А. А. Һәм М. В. Мөхәммәтова өйрәтә.
12-18 яшьлекләр төркемендә бронза медальгә лаек булган кызлар да - Лениногорскидан. Ариана Галләмова -12 нче, Саримова Элина – 8 нче, Неустроева Дарья Неустроева 6 нчы урта мәктәп укучылары. Тренерлар А.А. Хәйруллин, А. В. Мөхәммәтова, З.З. Пиянзина һәм Р.Р. Хөснетдинов.
Акробат кызларыбызны һәм тренерларын лаеклы җиңүләре белән котлыйбыз.
9-15 нче ноябрь көннәрендә Бөек Новгород шәһәрендә узачак Россия чемпионатында да зур уңышларга ирешүләрен телибез.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев