Лениногорск йөзүчеләре Әлмәттән призлы урыннар яулап кайтты

Биредә үз республикабыз һәм күрше Башкортстаннан шәһәрләреннән килгән 2011-2017 елгы яшь йөзүчеләр «Көзге спринт» та узыштылар. 

2011 елда туган кызлар арасында 100 метрга комплекслы йөзүдә Елизавета Шуманева җиңүче булды, икенче урынны Ника Котикова яулады.

2012 елгы кызлар арасында әлеге дистанциядә көмеш медальгә Анастасия Кожевникова лаек булды. 2017 елгы кызлар арасында ирекле стиль белән 50 метр арага аркада йөзеп узышуда Илона Рәхимова өченче урынны алды. 

2014 елгы малайлар арасында 100 метрга аркада йөзүдә Захар Николаев көмеш медаль яулады. 2012 елда туган яшүсмерләр арасында шушы ук дистанциядә өченче урын- Сабир Җәлаловта.

2011 елда туган үсмерләр арасында бу дистанциядә көмеш медаь -Рәсүл Шаһвәлиевта. 2011 елгы яшүсмерләр арасында ирекле стиль белән 200 метрлы дистанциядә көмешне Артур Петров алды, ә бронзага Гадел Сәлманов ия булды. Шәһәребезнең яшь йөзү осталары үзләренең бик җитди көндәш булуларын күрсәттеләр, аларны лаеклы бүләкләре белән котлыйбыз.