Лениногорск йөзүчеләре лидерлар рәтендә

Заман сулышы, 3 июнь 2024 - 10:48

175

Башкортстанның Салават шәһәрендә Ханиф Шафиков истәлегенә йөзү буенча Бөтенроссия ярышлары узды.

Лениногорск шәһәренең «Юбилейный» йөзү бассейны тәрбияләнүчеләре яхшы нәтиҗәләр күрсәттеләр.

Мәсәлән, Захар Николаев, 50 м аркада һәм 100 м комплекслы йөзү дистанциясендә җиңүче булып, ике алтын медаль яулады.

Шулай ук, Раил Сафин 200 м баттерфляйда һәм 400 м комплекслы йөзүдә иң яхшылар рәтенә керде. Полина Сычева 100м брасста бронза алды.

Кәрим Сәгъдиев, Камил Галимов, Артур Петров, Роберт Шәмсуллин, Адель Сәлманов, Элиана Зинатуллина, Суфия Насыйбуллина, Самира Хәйдәрова, Максим Рәхимов, Матвей Абашин яхшы нәтиҗәләр күрсәттеләр.

Константин Капитонов, өлкән тренер.

Фото һәм мәгълүмат "Юбилейный" бассейнының ВКонтакте челтәреннән