Лениногорск мөхтәсибәте волейболда сынатмады
Баулы шәһәрендә республика мөхтәсибәтләре арасында «Гаилә елы» кысаларында «Сәләм» Кубогына волейбол буенча турнир узды.
Турнир Баулы шәһәренең «Нефтьче» спорт комплексында үтте. Анда республиканың көньяк-көнчыгыш казые Марат хәзрәт Мәрдәншин, Баулы муниципаль районы башлыгы урынбасары Ринат Хәмидуллин, «Нефтьче» спорт комплексы директоры Илнур Хәйруллин, Азнакай, Бөгелмә, Баулы, Лениногорск районнарының имам-мөхтәсибләре катнашты.
Барлыгы 8 команда катнашты. Иң элек, традицион рәвештә Изге Коръән аятьләре укылды.
Нәтиҗәдә, 1нче урын — Алабуга шәһәре мөхтәсибәте командасына насыйп булса, 2нче урынны Баулы шәһәре мөхтәсибәте командасы, 3нче урынга — Лениногорск шәһәре мөхтәсибәте командасы лаек булды.
Җиңүчеләр һәм катнашучылар кыйммәтле призлар һәм истәлекле бүләкләр белән бүләкләнде.
Фото һәм мәгълүмат Ислам в Лениногорск Телеграм-каналыннан
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев