Лениногорскида «Алтын көз» җиңел атлетика кроссы узды (+фотолар)

Кросста катнашучы үсмерләр һәм балалар 500 метрдан алып — 5 километрга кадәр араны үтәргә тиеш иде.

Үз яшь төркемнәрендә иң югары нәтиҗәләр күрсәтеп, алтын медальләрне Роман Егоров, Булат Шакиров, Милана Әхмәтова, Кәрим Галиев, Анастасия Захарова, Айдар Хәкимов, Кристина Муравцева, Илнар Хәмидуллин, Дарья Уланова яулап алды.

Икенче урыннар һәм көмеш медальләр Илнур Хафизов, Илья Муромцев, Серафим Зарубежнов, Динә Сәгъдиева, Дамир Җаббаров, Аделина Вафина һәм Тимур Фәсхетдиновта.

Бронза медальләргә Кәрим Насыйбуллин, Богдан Умбиталиев, Азат Минһаҗев ия булды.

«Яңа кышкы сезонга әзерлек әле алга таба да дәвам итәчәк. Алда балаларны төрле дәрәҗәдәге бәйгеләр, чаңгы стартлары көтә. Быелгы «Алтын көз» кроссы сентябрьнең соңгы якшәмбесендә, урман паркында узды. Чаңгы спорты мәктәбендә тәрбияләнүчеләр сезонга яхшы әзерлек белән килүләрен күрсәттеләр. Ярышларда спорт мәктәбенә йөрүче балаларның барсы да катнашты",- ди, чаңгы узышлары буенча спорт мәктәбенең өлкән тренеры Марина Сафина.