Лениногорскида шахматчы хатын-кызлар хөрмәтенә турнир узды. Кемнәр җиңүче?

Хатын-кыз шахматчыларны хөрмәтләүче “Честь шахматной короны” дип аталган турнир Лениногорскида быел алтынчы кабат узды. Уеннар  Швейцария системасы буенча 11 турда үтте.

Уенда Әлмәт, Баулы, Бөгелмә, Зәй, Казан, Туймазы, Октябрьский, Урыссу һәм Лениногорск шәһәрләреннән 70 уенчы катнашты.

Абсолют зачетта Николай Мукаев җиңүче булса, икенче урынны Матвей Николаев, өченче урынны Владимир Шуваткин алды.

Хатын-кызлар арасында Маргарита Соловьева Кубок яуласа, өченче урынны Мария Кондрашкина алды.

Яшь кызлар арасында чемпион исемен Василиса Михайлова, икенче урынны Лаура Гыйльмурадова, яшь егетләр арасында бронза медаленә Камил Сәримов лаек булды. 

Фото һәм мәгълүмат Радий Газизов, турнирның баш судьясы