Узган атна азагында Лениногорскиның грек-рим көрәшчеләре Октябрьск шәһрендә бил алышып кайттылар.
Ике көн дәвамында барган ярышлардан алар призлы урын алып кайттылар.
2008-2010 елгы үсмерләр арасында, Октябрьск шәһәренең Спорт сарае призына республика ярышлары булып узды. Ярышларда Башкортстан һәм Татарстан республикаларыннан, Ульяновск, Самара, Саратов өлкәләреннән 240 яшь көрәшче катнашты.
Шәһәребезнең 3 нче спорт мәктәбендә грек-рим көрәше осталыгына өйрәнүче яшь спортчыларыбыз, әлеге турнирда бронза призларга ия булдылар. Үз авырлыкларындагы көрәшчеләр арасында Павел Антонов, Станислав Никифоров, Арслан Яфасов һәм Илназ Сәлахов -дүртесе дә, өченче урыннарны яулап алуга ирештеләр.
Нет комментариев