Лениногорскиның 2 нче мәктәбендә укучылар ГТО нормативлары тапшырды (+ фотолар)

Чараның төп максаты — сәламәтлекне ныгыту, сәламәт тормыш рәвеше пропагандасы, балаларны физик культурага һәм спортка җәлеп итү.

Балалар урыннан озынлыкка сикерде, аркага яткан килеш гәүдәне күтәрде, туп ыргытты, турникта тартылды һәм башка күнегүләрдә үзләренең спорт мөмкинлекләрен күрсәттеләр.

Судьялар балаларның әзерлек дәрәҗәсен бәяләде һәм нормативларның дөрес үтәлешен күзәтеп торды. 

«Хезмәткә һәм оборонага әзер» Бөтенроссия физкультура спорт комплексының муниципаль акциясендә барлык укучылар да бик теләп катнашты һәм яхшы нәтиҗәләр күрсәтте. 

Гүзәл Миргалиева мәгүлүматы һәм фотолары.