Бүләк отасың килсә – языл

Лототронга салынган квитанция номерларын берәм-берәм 11 нче гимназиянең II сыйныф укучысы Алинә Мостафина тартып чыгарды. Бүләкләрнең хуҗалары түбәндәге әбүнәчеләр булды: 10 килолы 1 капчык он Ялтауда яшәүче Марат Хәйруллинга чыкты. Шундый күләмле 1 капчык шикәр комына Урдалыдан Зөлфия Кәлимуллина ия булды. 3 литрлы көнбагыш маен Яңа Шөгер авылында яшәүче Марат Купаев отты. Кер юу порошогы Куакбаш авылына китәчәк. Аның хуҗасы - Гөлҗиһан Мәмәтова булды. Чәй сервизы белән 1 пачка чәйнең хуҗасы - Лениногорскидан, Җәүдәт Фәтхетдиновны үзебездә көтеп калабыз. Ә менә "Заман сулышы"на II яртыеллыкка бушлай язылу квитанцияләренең берсе Сугышлыда яшәүче Әбүзәр Вәлиевкә китсә, икенчесе - лениногорскилы Рамил Фәттаховны көтә.

Барлык приз отучыларны котлыйбыз һәм редакциядә көтеп калабыз. Килгәндә үзегез белән паспорт һәм квитанциягезне алып килергә онытмагыз. "Заман сулышы"на язылырга өлгерми калгансыз икән, борчылмагыз.

Әгәр 25 гыйнварга кадәр язылсагыз, газетны 1 февральдән укый башлаячаксыз.

Биш айга язылу бәясе - 214 сум 15 тиен

Тагын шуны да әйтәсе килә: Хөрмәтле әбүнәчеләребез! Приз ота алмавызга бер дә борчылмагыз. Ел дәвамында район почта бүлекчәләрендә "Әбүнәче көне" үткәрелә. Без анда да катнашабыз. Шуңа да, газетка язылыгыз, безнең белән бергә булыгыз. Бәхетегезне, бәлки, шунда табарсыз.