Лениногорскида патриотик җыр бәйгесе узды

Анда 37 җырчы егет-кыз һәм трио дуэтлар катнашты. Уртача төркемдә 8 яшьтән алып 16 яшькә кадәр, зурлар төркемендә 17дән алып 35кә җиткәннәр җыр осталыклары буенча көч сынашты. Ике сәгатькә сузылган бу бәйгедә татар телендә нибары дүрт җыр яңгырады һәм алар барысы да югары бәяләнде. Уртача төркемдәгеләр арасында 12 яшьлек Наилә Вилданова "Туган илебез" җыры белән катнашу дипломына һәм сертификатка ия булды, трио дуэтлар арасыннан "Палитра" кызлар дуэты "Солдат егеткә" җырын, "Тулпар"кызлар дуэты "Күрәсем килә" җыры белән шулай ук катнашу турындагы диплом белән бүләкләнде. Зурлар төркеме арасында беренче урынга ике кеше лаек булды. Аларның берсе 24 яшьлек Раил Гыйззәтуллин булды. Ул "Кайту" җыры белән тамашачыларның һәм жюри әгъзаларының күңелен яулады. Барлык катнашучыларны да котлыйбыз һәм киләчәктә саф татар телендә җырлар күбрәк яңгырасын дигән теләктә калабыз.