Районда "Иң яхшы комбайнчы" бәйгесенең икенче атнасына нәтиҗә ясадылар (кемнәр җиңүче)

Алдынгы урыннар яулаган игенчеләрне район башлыгы Рәгать Хөсенов һәм авыл хуҗалыгы идарәсе начальнигы Илнур Шәмарданов котлады.

Кече егәрлекле көче булган комбайннар арасында Кузнецов И.Н хуҗалыгыннан Чулпан Ильясов җиңүче булды. Ул «Вектор-410» комбайнында бер атнада 342 тонна ашлык суктырган.

Әлеге хуҗалыктан уртача җитештерү көченнән зуррак булган комбайннар арасында Марс Рәхимов 651 тонна ашлык суктырып, җиңүче булды, ул «Акрос-595» комбайнында эшли.

Уртача җитештерү көчендәге комбайннар арасында “Хәйретдинов Н.Л” фермерлык хуҗалыгыннан Рафис Сафиуллин җиңде, ул «Джон-Дир» комбайнында 511тонна суктырган.

Югары җитештерү көчендәге комбайнда эшләүче Максим Шанцев 874 тонна ашлык суктырып, алдынгы урынга чыкты. “Август-Лениногорск” хуҗалыгының тырыш комбайнчысы. «Торум-750» “кыр корабын”да эшли.