Вакытлыча эшкә яраксызлык буенча пособиенең минималь күләме, айдагы календарь көннәр санына карап, 2027 елда көнгә 933,39 сумнан 1 033,39 сумга кадәр тәшкил итәчәк. Бу хакта ТАССка РФ Хөкүмәте каршындагы Финанс университеты доценты Игорь Балынин хәбәр итте.
Эксперт сүзләренчә, минималь хезмәт хакын 28 935 сумга кадәр күтәргәндә больничныйны исәпләү өчен минималь уртача көнлек хезмәт хакы киләсе елда 951,29 сумга җитәчәк. Шул ук вакытта көнлек пособиенең минималь күләме конкрет айның озынлыгына бәйле булачак.
Гыйнвар, март, май, июль, август, октябрь һәм декабрьдә, анда 31 календарь көн, минималь түләү көненә 933,39 сум тәшкил итәчәк. Февральдә ул 1 033,39 сумга җитәчәк, ә апрельдә, июньдә, сентябрьдә һәм ноябрьдә – 964,5 сум.
Балынин аңлатканча, пособиенең минималь көнлек күләме МРОТ һәм тиешле айдагы календарь көннәр саныннан чыгып исәпләнә.
Чагыштыру өчен, 2026 елда больничныйны исәпләгәндә, уртача көнлек минималь хезмәт хакы 890,73 сум тәшкил итә. 30 көнлек айда минималь көнлек түләү – 903,10 сум, 31 көнлек айда – 873,97 сум, ә февральдә – 967,61 сум.
татар-информ
Нет комментариев