БДИ тапшыручылар игътибарына

11 сыйныфны тәмамлаучылар 1 февральгә кадәр бердәм дәүләт имтиханында катнашуга гаризаларны тапшырып бетерергә тиеш. Әлеге гаризада укучылар шулай ук үзләре сынау узачак фәннәрне дә тәгаенли. Бу хакта Татарстан Министрлар Кабинетында узган матбугат конференциясендә искәртеп уздылар.

Бу датаны истә калдыру мөһим. Чөнки соңрак инде мәгълүмати базага үзгәрешләр кертеп булмаячак. Әйтик, инде бу вакыттан соң бердәм дәүләт имтиханына сайланган предметларны алмаштырып булмаячак. Кемдер кискен үз фикерен үзгәртеп, яки башка вузга, башка белгечлеккә керергә уйлап кына, кире гариза тутыру мөмкинлегенә ия булмаячак, - дип кисәтте Татарстан Мәгариф һәм фән министры урынбасары Илдар Мөхәммәтов.

http://shahrichalli.ru/