Бүген 20 градуска кадәр җылытачак

(Казан, 8 май, "Татар-информ"). Бүген 20 градуска кадәр җылытачак. Бу хакта Татарстан Гидрометеорология һәм әйләнә-тирә мохитне күзәтү идарәсе белгечләре хәбәр итә.

Урыны белән яңгыр яварга һәм көнбатыштан уртача тизлектә җил исәргә мөмкин.

Төнлә  +7 градус. Урыны белән яңгыр көтелә, томан булуы ихтимал. Көнбатыштан салмак җил исәчәк. Төнлә һәм көндез алмашынучан болытлы һава көтелә.

Татарстанда кайбер районнарда яшен булырга мөмкин. Төнлә һәм иртән урыны белән томан көтелә. Көнбатыштан салмак җил исәчәк.

Татарстан Гидрометеорология һәм әйләнә-тирә мохитне күзәтү идарәсе мәгълүматлары буенча, төнлә Татарстанда +4-9 градус, көндез +16-21 градус булачак.