Давыл вакытында һәлак булган хатын-кыз гаиләсенә компенсация түләнәчәк
Мөслимдә табигать бәла-казасы вакытында һәлак булучы 35 яшьлек сатучы хатын-кыз гаиләсе 1 млн сум акча алачак. Бу хакта Татарстан Хөкүмәте Йортында брифингта Казан Кремле рәсми вәкиле Лилия Галимова сөйләде
“Татарстан Президенты Татарстан Хөкүмәтенә Мөслим районында һәлак булган хатын-кыз гаиләсенә бер миллион сум акча бүлеп бирү һәм кирәкле башка ярдәм күрсәтүне йөкләде. Рөстәм Миңнеханов һәлак булучы гаиләсе, якыннарының тирән кайгысын уртаклаша”, — диде Галимова.
Кичә кич Татарстанда булган көчле җил-давыл Мөслимдә “Находка” кибете түбәсеннән металл калайны алып аткан. Металл калай 35 яшьлек сатучы хатын-кыз өстенә килеп төшкән. Алган җәрәхәтләрдән Мөслим хастаханәсендә 17 сәгать 23 минутта сатучы хатын-кызның гомере өзелгән.
Следите за самым важным и интересным в Telegram-каналеТатмедиа
Безнең Телеграм-каналга кушылыгыз: https://t.me/zamansulyshy
Нет комментариев