Эшлекле дүшәмбе планеркасында лениногорскилыларны бүләкләделәр

«Эшлекле дүшәмбе» нең эше  бүләкләр тапшыру белән башланып китте: «Исток-Башлангыч» халыкка социаль хезмәт күрсәтү үзәгенең гаиләгә һәм балаларга социаль ярдәм күрсәтү бүлеге мөдире Наталья Шалдаева Лениногорск районы Советының Рәхмәт хаты белән бүләкләнде.

Торак-коммуналь хуҗалык өлкәсендә озак еллар намуслы хезмәте, эшендә югары профессионализмы өчен һәм 55 яше тулу уңаеннан «Торак-коммуналь хуҗалыгы һәм төзелеш үзәге»  директоры Фәрит Фәрхетдинов Лениногорск районы Советының Мактау грамотасы белән бүләкләнде.

ТР Төзелеш, архитектура һәм торак-коммуналь хуҗалык министрлыгының Мактау грамотасы белән күпьеллык нәтиҗәле хезмәте,  шәһәр һәм  районны төзекләндерүгә керткән шәхси өлеше өчен «БлагСтройДорХоз»  директоры Мәүлет Сабиров бүләкләнде.

фото: https://leninogorsk.tatarstan.ru/tat/index.htm/news/2026561.htm