Февральдән Лениногорскида балалы гаиләләргә бердәм пособие күләме арттырылган килеш түләнде

Россиядә яшәү минимумы арту белән, бердәм пособие күләме дә артты. Бу хакта Россия Социаль фондының Лениногорск клиентлар хезмәте җитәкчесе Айгөл Исламова хәбәр итте. Ул сөйләгәнчә, бердәм пособиенең күләме яшәү төбәгендә 50%, 75% яки 100% тәшкил итә һәм гаилә керемнәренә бәйле.

Социаль фонд автомат рәвештә 2026 елда түләүләрне санады һәм гыйнвар өчен пособие яңа күләмдә инде МИР карталарына күчте.

Керемнәрне исәпләгәндә  пособие рәсмиләштергәндә нәрсә үзгәрде?

“Гаилә керемнәренә хәзер кертелми: бала туганда яки уллыкка алганда эш бирүчедән бер тапкыр бирелә торган түләүләр; торакларын яки мөлкәтләрен югалткан Курск өлкәсендә яшәүчеләргә ай саен бирелә торган ярдәм", - дип ачыклык кертте Айгөл Исламова.

Пособие билгеләү өчен, хезмәткә сәләтле гаилә әгъзаларының 12 айлык кереме хезмәт өчен түләүнең минималь күләменнән (МРОТ) кимрәк булмаска тиеш. 2026 елда бу - 216 744 сум (хезмәт хакы һәм вакытлыча эшкә яраксызлык буенча пособие исәпкә алына).

Монда бер үзенчәлек бар: әгәр дә керемнәр нигезле сәбәпләр аркасында булмаса, лимит киметелергә мөмкин –  нульле керем кагыйдәсе гамәлдә.

Нигезле сәбәпләргә хәзер шулай ук картлык, инвалидлык, туендыручысын югалту буенча пенсияләр керә.
2025 елда Лениногорск районында 3531 балага бердәм пособие түләнгән, бу райондагы балаларның гомуми саныннан 22,07% тәшкил итә (16001).

2025 ел нәтиҗәләре буенча «Гаилә» илкүләм проекты кысаларында 220 меңнән артык баланың ата-аналары бердәм пособие алды, шулай ук балалар бакчалары өчен 108,5 мең компенсация бирелде һәм 58,8 мең күп балалы гаиләгә ярдәм күрсәтелде.

Ата-аналарга һәрьяклап ярдәм итү, репродуктив сәламәтлек турында кайгырту һәм гаилә кыйммәтләрен ныгыту, өлкән буынның актив озак яшәве өчен шартларны үстерү һәм мохтаҗларга сыйфатлы тәрбия бирү - «Гаилә» илкүләм проектының төп бурычлары.