Бу йортта яшәүчеләрнең күбесе шәһәр урамнарына сирәк чыга, ә кайберләре инвалид коляскаларында учреждение территориясендә йөри.
Ләкин монда урман паркына йөрергә, кибетләргә чыгучы пенсионерлар да бар әле.
Картлар һәм инвалидлар интернат-йортына «Юл хәрәкәте куркынычсызлыгы» дәүләт бюджет учреждениесе җитәкчесе Эльвира Кирдянова олылар белән юл кагыйдәләре турында сөйләшергә дип килде.
«Мин барысы өчен дә юл-транспорт һәлакәтләре турында сөйләдем, ә менә шәһәр буенча ирекле рәвештә хәрәкәт итүче категориягә аерым басым ясадым, — ди Эльвира Кирдянова. - Аларның бит, инде яшьләре дә олы, шулай ук тирә-якка тиз генә реакция дә бирә алмыйлар, уяулык һәм саклык күрсәтү турында сөйләштек».
"Без Дәүләт автоинспекциясеннән килгән кунакларны куанып каршы алдык. Бу бик мөһим һәм мәгълүмати очрашу икәнлеге лекциядә яңгырады,- ди инвалидлар һәм картлар интернат-йорты директоры Рәмис Галиев. — Тормыш активлыгы шатлыкта һәм тулы иминлектә узсын өчен, барысына да өйрәтергә, өйрәнергә кирәк».
фото: ГАИ бүлегеннән
Нет комментариев