Каникул көннәрендә Лениногорскида малайлар өчен мәдәни-сәламәтләндерү курслары эшләде (+ фотолар)
Лениногорск мөхтәсибәте курсларны 2 гыйнвардан 7 гыйнварга кадәр оештырды.
Лениногорскиның “Ихлас” мәчетендә 7 яшьтән алып 15 яшькә кадәр ир балалар дини-әхлакый лагерьда ял итте. Алты көн дәвамында 20 дән артык малайларның көннәре файдалы һәм күңелле үтте. Аларның көннәрен күңелле үткәрү өчен өч вожатый тырышып эшләде. Вожатыйларның берсе - Коръән-хафиз, ягъни Коръәнне яттан тулысынча белүче.
Ир балаларның һәр иртәсе зарядкадан башланды. Көн дәвамында дини-әхлакый дәресләр алдылар. Шугалакка, кинога да барып кайтканнар.
Малайлар квестларны, мастер-классларны да ошатканнар. Аларны өч тапкыр пешерүчеләр тәмле ашлар-ризыклар белән сыйлаганнар.
Соңыннан исә һәркайсына төрле бүләкләр һәм сертификатлар тапшырганнар.
Ир балалар үзләре дә, аларның әти-әниләре дә курслардан канәгать калганнар, рәхмәт сүзләре җиткергәннәр.
Фотолар: мөхтәсибәттән.
Следите за самым важным и интересным в Telegram-каналеТатмедиа
Безнең Лениногорск яңалыклары Телеграм-каналга кушылыгыз.
Нет комментариев