Казанда VK Fest мәйданчыгын сәламәтлек ягыннан үзенчәлекләре булган кунаклар өчен җайлаштыралар
Казанда 7 июньдә узачак VK Fest фестивале мәйданчыгы сәламәтлек ягыннан үзенчәлекләре булган кунаклар өчен җайлаштырылачак.
Бу хакта оештыручылар хәбәр итә.
Мәсәлән, сәхнә янында подиум һәм пандуслар, фестивальнең ничек узуын һәм мәйданчыкта кайда ярдәм алырга кирәклеген аңлатучы махсус мәгълүмати материаллар, шулай ук көчле тавышлардан, яктылык һәм башка стимуллардан кайда ял итәргә мөмкин булуын күрсәтүче сенсор куркынычсызлык картасы әзерләячәкләр.
Оештыручылар килүчеләр өчен тавышны баса торган колакчыннар әзерләячәк. Сәламәтлек ягыннан үзенчәлекләре булган кунакларга ярдәмне махсус белем алган VK Fest волонтерлары күрсәтәчәк.
Казанлыларга VK Fest 2026 Санкт-Петербургта 4-5 июльдә һәм Мәскәүдә 18-19 июльдә узачагын искәрттеләр. Билетлар фестивальнең рәсми сайтында сатыла, дип хәбәр итә Вконтакте матбугат хезмәте.
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Безнең Телеграм-каналга кушылыгыз: https://t.me/zamansulyshy
Нет комментариев