Һәлак булган 71 кешенең икесенең генә гәүдәсе табылган

Самолет очып китү белән үк диярлек радар экраннарыннан югалган, ә экипаж элемтәгә чыгудан туктаган. Бортта барлыгы 71 кеше: 65 пассажир һәм алты экипаж әгъзасы булган, аларның берсе дә исән калмаган. Вафат булучыларның бары икесенең генә гәүдәләре табылган, башкаларын хәзерге вакытта эзлиләр.

Россия Тикшерү комитеты Мәскәү өлкәсендә АН-148 пассажир самолеты һәлакәткә юлыгу факты буенча "Һава транспорты хәрәкәтендә һәм файдалануда куркынычсызлык кагыйдәләрен бозу аркасында ике яки аннан күбрәк кеше үлеменә китерү" маддәсе нигезендә җинаять эше кузгаткан.

Һәлак булучылар арасында Казан кешесе дә булган, дип хәбәр итә "Татар-информ".

Соңгы хәбәрләр буенча, 32 яшьлек Екатерина Насыйрованың әтисе һәм әнисе, һәлак булган кызларының шәхесен ачыкларга ярдәм итәчәк анализлар тапшыру өчен, кичә кич белән Мәскәүгә юл тоткан.

http://akcharlak.com/article/-lak-bulgan-71-keshene-ikesene-gen-g-d-se-tabylgan/