Лениногорск районы башлыгы шәһәргә үзгәреш кертү буенча ике яңа проектны башлавы турында хәбәр итте

Быел йортларның стеналарына ике монументаль рәсем ясау планлаштырыла. Бу хакта Лениногорск районы башлыгы Марат Гирфанов телеграм-каналында хәбәр итте.

«10 елдан артык Россиянең төрле шәһәрләрендә монументаль сәнгать белән шөгыльләнүче Санкт-Петербург профессионаллары командасы белән стена рәсемнәре өчен мөмкин булган концепцияләр һәм урыннар турында фикер алыштык», — диде ул.

Сыйфатлы мураллар шәһәр мохитен үзгәртә, һәркемгә якын булган ниндидер мөһим темаларга игътибар иттерә.
“Киләчәктә барысы да план буенча барса, барлык мураллар бер экскурсия маршрутына һәм легендага берләштереләчәк”, — дип ачыклык кертте район башлыгы.

Проект “Татнефть” ярдәмендә тормышка ашырылачак.

Мураллар (бина диварларындагы монументаль рәсемнәр) караңгы-соры өслекләрне арт-объектларга әйләндереп, шәһәр мохитен яңарту өчен кирәк.
Алар социаль функцияләрне үтиләр, мөһим проблемаларга игътибарны җәлеп итәләр, мәдәни мирасны саклыйлар, локацияләрнең туристлык җәлеп итүчәнлеген арттыралар һәм заманча шәһәрләрнең уникаль йөзен формалаштыралар.

Фото: ЛМР матбугат хезмәте