Лениногорск районы Татарстан муниципаль берәмлекләре рейтингында тугыз позициягә күтәрелгән

Сессия эшендә Татарстан Премьер-министры Алексей Песошин катнашты.

Лениногорск районының социаль-икътисади күрсәткечләре белән район башлыгы Марат Гирфанов таныштырды.

Татарстан муниципаль берәмлекләре рейтингында район тугыз позициягә күтәрелгән (2024 елда 33 нче урыннан 2025 елда 24 нче урынга кадәр). Тулаем  территориаль продукт: 136 млрд сумга якын. Продукция төяп җибәрү: 31 млрд сум, шуның 80  проценты   нефть чыгару секторына туры килә. Промышленность  җитештерүе индексы: 101,4  процент.

Шул ук вакытта тулаем территориаль продукт күләме буенча – 6 нчы урында, уртача хезмәт хакы буенча – 13 нче урында, үзләре җитештергән төяп җибәрелгән товарлар күләме буенча 15 нче урында.

Муниципалитетта 2182 кече һәм урта бизнес субъекты теркәлгән, 48 предприятиенең кереме 100 млн сумнан артык. Шәхси эшмәкәрләрне һәм үзмәшгульләрне кертеп, кече һәм урта эшмәкәрлектә эшләүчеләрнең гомуми саны - 12 146 кеше.

Район территориясендә өч шәхси аккредитацияләнгән промышленность  паркы һәм бер агросәнәгать паркы эшли. Бу мәйданчыкларда 25 резидент һәм 93 арендатор исәпләнә.

фото:ЛМР сайтыннан