Лениногорск районында 20нче тапкыр авторалли узачак

Лениногорск районында бу шимбәдә 20нче тапкыр  “Запорожец” автомобильләрендә авторалли узачак. 

Узышлар «Бәкер» шифаханәсендә озак еллар баш табиб булып эшләгән Фаяз Ибраһимов истәлегенә һәм Ватанны саклаучылар көненә багышлана.

Быел   ЗАЗ маркалы автомобильләр арасында кышкы ралли чемпионаты 21 февральдә 10.00 сәгатьтә Керкәле авылы территориясендә үтәчәк.

Утызга якын автоузышчы раллида катнашырга теләк белдергән инде.

•  Фаяз Ибраһимов – безнең районда ралли-спринтка нигез салучы. 1974 елда КДМИның стоматология факультетын тәмамлый. Шушы белгечлек буенча Шөгер авылында эшли. 1994 елдан 2014 елга кадәр "Бәкер" шифаханәсен җитәкли. РФ һәм ТР Атказанган сәламәтлек саклау хезмәткәре.