Лениногорск шәһәренең ЗАГС бүлегенә кунакка Балалар йортыннан килделәр

Яшүсмерләр өчен корпоратив остазлык программасы кысаларында «Балачакны саклаучылар» гаиләгә һәм балачакка ярдәм фонды тарафыннан Россия Федерациясе Юстиция министрлыгының Татарстан Республикасы буенча идарәсе белән берлектә Лениногорск ЗАГС бүлегендә һөнәрләргә кызыксыну һәм эшкә урнашуга кызыксыну уяту максатында, Лениногорск балалар йорты тәрбияләнүчеләре  белән очрашу узды. 

ЗАГС бүлеге начальнигы Хәлимова Кадрия Фәрит кызы балаларга ЗАГС органнарының үсеш тарихын, революциягә кадәрге Россиядә метрик язмаларның ничек төзелүен һәм хәзерге вакытта ЗАГС бүлеге хезмәткәрләренең нәрсә белән шөгыльләнүен сөйләде. 

Ничек һәм нинди акт язмалары төзелә,  ЗАГС белгече вазыйфасына дәгъва кылучы нинди белем һәм характер сыйфатларына ия булырга тиешлеге турында да аңлатты.

 ЗАГС бүлегенең баш белгече Замахаева Эльмира  ЗАГС бүлегендә гаилә тормышы юбилярларын хөрмәтләү, яңа туган балаларга исем кушу, «Гаилә белеме» һәм батырлык дәресләре һ.б. чаралар уздырылуы турында сөйләде. 

Кызлар һәм малайлар тантана залында булдылар, театральләштерелгән никахны теркәү тантанасында катнаштылар, бу аларның соклануын тудырды, кияү белән кәләш бүлмәләренә, фуршет бүлмәсенә керделәр.

Акт язмалары саклана торган архивта документларны саклау вакытын белделәр. Белгечләр кабинетларында да булдылар.

фотолар: ЗАГС бүлегеннән